Saturday, July 4, 2009
പുക കണ്ടുവോ?
.
.
മരംവാതില്പടി ചാരി ഇരിപ്പായി
ഇലകളെ ഓര്ത്തുള്ള പിടച്ചിലും
പറച്ചിലുമായി.
ബഞ്ചില് കാല് കയറ്റി നെടുവീര്പ്പായി
കൊമ്പോട് കൊമ്പ് പിണഞ്ഞതോര്ത്തുള്ള
തൈലം തിരുമ്മലായി
കട്ടിലില് നിവര്ന്ന നെഞ്ചുഴിച്ചിലായി
കാറ്റ് കൊഴിച്ച പഴങ്ങളെണ്ണിയെണ്ണി
ആറാത്ത കിതപ്പായി
തണലായിരുന്നതിന്റെ
തണുപ്പോര്ത്ത്
ഇടക്കിടെ കോരിത്തരിക്കുന്നുണ്ട്
മച്ചിലേക്ക് വലിഞ്ഞുകയറി
എലിയോടും പെരുച്ചാഴിയോടും
കൂട്ട് കൂടി
പക്ഷികളെ മാടി വിളിക്കുന്നുണ്ട്
അടുപ്പാഴത്തിലേക്ക് നുഴഞ്ഞ്
കത്തിപ്പടര്ന്നാളി
വേനല്ക്കാലങ്ങളെ
ഉള്ളിലിട്ട് പൊള്ളിക്കുന്നുണ്ട്
കറുത്ത്
ഉരുണ്ട് വന്നൊരു പുക
ബഞ്ചിലിരുന്നതിന്റെ
കട്ടിലില് കിടന്നതിന്റെ
വാതില് തുറന്നതിന്റെ
അടയാളമുണ്ട്.
മച്ച് പൊളിച്ച്
മേഘങ്ങളിലേക്ക്
മഴ തിരഞ്ഞ് പോകുന്നത്
കണ്ടുവോ?
കൊന്നോളൂ
.
.
അമ്മ നൊന്തതാണ്
അച്ഛന് പേരിട്ടതാണ്
അച്ചാച്ഛന് വഴി വരച്ചതാണ്
മുത്തശ്ശി കഥയായതാണ്
ഇനി
കൊന്നോളൂ
അമ്മ നൊന്ത് ചാവട്ടെ
അച്ഛന് പേര് തെറ്റി വിളിക്കട്ടെ
അച്ചാച്ഛന് വഴി പിഴയ്ക്കട്ടെ
മുത്തശ്ശി കടങ്കഥയാവട്ടെ
.
അമ്മ നൊന്തതാണ്
അച്ഛന് പേരിട്ടതാണ്
അച്ചാച്ഛന് വഴി വരച്ചതാണ്
മുത്തശ്ശി കഥയായതാണ്
ഇനി
കൊന്നോളൂ
അമ്മ നൊന്ത് ചാവട്ടെ
അച്ഛന് പേര് തെറ്റി വിളിക്കട്ടെ
അച്ചാച്ഛന് വഴി പിഴയ്ക്കട്ടെ
മുത്തശ്ശി കടങ്കഥയാവട്ടെ
Friday, July 3, 2009
വേണ്ടാത്ത വാക്ക്(കവിതയും)
.
.
പലതും പറഞ്ഞിരുന്നതിന്
നിറങ്ങള് കൂട്ടിത്തുന്നിയ
കുപ്പായക്കീശയില്
ഇടം നെഞ്ചിന് കിടുക്കത്തോട്
ഒട്ടിയിരിപ്പുണ്ട്
നീ വിരിഞ്ഞ പ്രേമലേഖനം
ചുവന്ന റോസാപൂവാണത്
ഹ്ര്ദയമാണത്
ചവുട്ടിയരക്കല്ലേ എന്ന്
പറയാഞ്ഞതെന്തേ?
കണ്ടുമുട്ടിയ കീശയിലെല്ലാം
കണ്ണ് നീട്ടി ചെന്നു
ഇടംനെഞ്ച് പൊട്ടി നിന്നു
കണ്ണുരുട്ടിയ പൂക്കളെല്ലാം
ചെമ്പരത്തിയെന്നും
ജമന്തിയെന്നും മുല്ലയെന്നും
വിരിഞ്ഞു
മുറ്റത്തെ പൂന്തോട്ടം
വേണ്ടാത്ത വാക്കെന്നൊരു
കാക്ക
കൊത്തിപ്പറന്നു
.
പലതും പറഞ്ഞിരുന്നതിന്
നിറങ്ങള് കൂട്ടിത്തുന്നിയ
കുപ്പായക്കീശയില്
ഇടം നെഞ്ചിന് കിടുക്കത്തോട്
ഒട്ടിയിരിപ്പുണ്ട്
നീ വിരിഞ്ഞ പ്രേമലേഖനം
ചുവന്ന റോസാപൂവാണത്
ഹ്ര്ദയമാണത്
ചവുട്ടിയരക്കല്ലേ എന്ന്
പറയാഞ്ഞതെന്തേ?
കണ്ടുമുട്ടിയ കീശയിലെല്ലാം
കണ്ണ് നീട്ടി ചെന്നു
ഇടംനെഞ്ച് പൊട്ടി നിന്നു
കണ്ണുരുട്ടിയ പൂക്കളെല്ലാം
ചെമ്പരത്തിയെന്നും
ജമന്തിയെന്നും മുല്ലയെന്നും
വിരിഞ്ഞു
മുറ്റത്തെ പൂന്തോട്ടം
വേണ്ടാത്ത വാക്കെന്നൊരു
കാക്ക
കൊത്തിപ്പറന്നു
Thursday, July 2, 2009
താരാട്ട്
.
.
ഉറക്കത്തേക്കാള് താളത്തില്ഊഞ്ഞാലാടാന് പോയ
തൊട്ടിലുകളെക്കുറിച്ചുള്ള പാട്ട്
നിലം മെഴുകിയിട്ടുണ്ടാവും.
നനഞ്ഞ നിലം
വഴുക്കുന്നുവല്ലോയെന്ന്
മുപ്പതോ നാല്പതോ വയസ്സുള്ള കുട്ടി
പിച്ച നടക്കുന്നുണ്ടാവും.
ഉറക്കത്തില് ഒഴിച്ചുകൂട്ടിയ മൂത്രം
തോടായിട്ടുണ്ടാവും
തോട്ടിറമ്പത്ത്
പരല്മീനുകളുടെ അമ്മ
താരാട്ട് പാടുന്നുണ്ടാവും
അച്ഛന്
തോട്ടുവക്കത്തെ പുല്ലുകളുടെ
പേരുകള് ചോദിച്ചറിയുന്നുണ്ടാവും
പിറക്കാനിരിക്കുന്ന മക്കളെ
ഈണത്തില് താരാട്ടി വിളിക്കുന്നുണ്ടാവും
തോടുംകടന്ന്
പുഴയിലേക്കെത്തുമ്പോള്
മീനുകള്ക്ക്
മരങ്ങളുടെ പേരാവും,
പുഴ മുങ്ങി
കടലില് പൊങ്ങുമ്പോള്
മീനുകള്ക്ക്
എന്റെയും നിന്റെയും പേരാവും
ഇനി നമുക്ക്
കാറ്റിന്
താരാട്ടെന്ന് പേരിടാം.
Subscribe to:
Posts (Atom)